Դեմոկրատների փշոտ արձագանքը Օբամայի օրենսդրական փոփոխությունների նախաձեռնությանը՝ ուղղված սահմանային անցակետերի ճգնաժամի թեթևացմանը

ByAAVR

Երեխաներ, Թրաֆիքինգ, Օրենք

Դեմոկրատների փշոտ արձագանքը Օբամայի օրենսդրական փոփոխությունների նախաձեռնությանը՝ ուղղված սահմանային անցակետերի ճգնաժամի թեթևացմանը

2008 թվականին ԱՄՆ-ում թրաֆիքինգի մասին օրենքի փոփոխության առաջարկն ընդունվեց դեմոկրատների կատաղի ընդդիմությամբ: Օրենքը ենթադրում է միգրանտ-երեխաների դեպի ԱՄՆ ներգաղթի գործընթացի հեշտացում:

Նախագահ Օբաման Կոնգրեսում դեմոկրատների հետ բախում էր ունեցել դեռևս 2008 թվականին թրաֆիքինգի դեմ պայքարի մասին օրենքի որոշ հոդվածների մեղմացման շուրջ: Օրենքը նախատեսում է անօթևան երեխաների հայրենադարձության գործընթացի արագացում՝ հարավային սահմանը կենտրոնական Ամերիկայում հատելիս:

Երկուշաբթի օրը՝ Տեխասի հանրապետականների ներկայացուցիչ Սենատոր Ջոն Քորնինին և դեմոկրատների ներկայացուցիչ Հենրի Կուէլյարին համատեղ օրինագիծ են ներկայացրել: Այն ներառելու է 2008 թվականի թրաֆիքինգի դեմ պայքարի օրենքի և Ուիլյամ Ուիլբերֆորսի “Թրաֆիքինգի զոհերի պաշտպանության ժամկետների երկարացման” մասին ակտի փոփոխություններ: Այն նաև թույլ է տալու այնպիսի երկրների, ինչպիսիք են Գոնդուռասը, Գվատեմալան և Սալվադորը, վերադարձնել իրենց երեխաներին հայրենիք մեկ շաբաթվա ընթացքում՝ ամիսներ շարունակ չպահելով ԱՄՆ-ում և ապաստարան տրամադրելով, ինչպես արվում է այս պահին:

Սպիտակ տան կողմից առաջ քաշած փոփոխությունների պահանջը Քորնինի և Կուէլյարի առաջարկի վերաբերյալ պարադոկսալ կերպով մեղադրանքների արժանացավ: Ըստ նրանց, թույլ տալով անտուն երեխաներին մնալ բարեկամների հետ ԱՄՆ-ում նրանց գործերի քննման ընթացքում, օրինագիծը խրախուսում է Կենտրանական Ամերիկայի իսպանախոս մաքսանենգությամբ զբաղվող կլաններին:

Սակայն այս միտքը կատաղի դիմադրության արժանացավ հատկապես մի շարք բարձրաստիճան դեմոկրատների խմբի կողմից, հատկապես իսպանախոս խմբի: Նրանք կոչ են անում օրինագծի այսպես կոչված “մաքուր” ֆինանսավորումը և հրաժարվում են թրաֆիքինգի դեմ պայքարի օրենքի որևէ տեսակի մեղմացմանը, պնդելով, որ ավելի կարևոր է ապահովել արդար իրավական դատավարությունը փախստականների համար:

Ըստ նոր օրինագծի կենտրոնական Ամերիկայի երեխաները հետագայում արժանանալու են նույն վերաբերմունքին ինչին արժանանում են Մեխիկոյի երեխաները, որոնք տվյալ պահին արագացված ընթացակարգով վերադարձվում են իրենց հայրենիք:

“Մեր առաջարկը կբարելավի 2008 թվականի Թրաֆիքինգի զոհերի պաշտպանության ակտը, որը վերաբերում է անչափահասներին, ովքեր հատում են սահմանն առանց ուղեկցի”, ասել է Քորնին իր հայտարարության մեջ:

Նա պնդում է, որԿենտրոնական Ամերիկայի անչափահասների իրավունքները այս օրենքի բարեփոխումից հետո է՛լ ավելի պաշտպանված կլինեն, իսկ իրենց ներկայացրած օրինագիծը նրանց իրավունք կտա իրենց ձայնը լսելի դարձնել դատարանում “միչև միգրացիոն դատարանը, Առողջապահության և Մարդու ծառայությունները կավարտեն նախազննությանգործընթացը”:

Սպիտակ Տունը շատ զգուշավոր է ողջունել Քորնինի և Կուէլյարի համատեղ առաջադրված ծրագիրը: Սպիտակ տան մամլո քարտուղար Ջոշ Էռնսթը ասել է, որ չի մեկնաբանի առաջարկի կոնկրետ կետերը, սակայն գնահատում է Քորնինի ձեռնարկած գործողությունները՝ ճգնաժամը հաղթահարելու գործում:

“Մենք կսպասենք, մինչև ծրագիրը ներկայացվի, այնուհետև կտանք մեր եզրակացությունը, թեև մեր մոտեցումը հայտնի է”, – ասել Էռնսթը լրագրողներին: “Մենք անշուշտ ողջունում ենք Հանրապետականների կառուցողական ներգրավվածությունը. ի վերջո խնդրի շուրջ բազմաթիվ խոսակցություններ են եղել՝ դրա հրատապության և անհետաձգելիության վերաբերյալ, սակայն քիչ գործ է արվել”:

Սակայն Կոնգրեսի քննադատները հայտնել են TheGuardian-ի թղթակցին, որ նրանք դեռևս խորապես մտահոգված են օրենքի հետընթացի առնչությամբ:

“Թույլ տվեք ինձ պարզաբանում մտցնել, ես չեմ քվեարկում լրացուցիչ օրինագծի օգտին, որը կներառի փոփոխություններ և հաշվի չի առնի երեխաների իրավունքների հատվածը՝ սահմանված 2002, 2007 և 2008 թվականներին”, – ասել է Իլինոյիս նահանգի դեմոկրատների ներկայացուցիչ Լուիս Գուլտիերեսը ուրբաթ օրը:

Գուլտիերեսի անձնակազմը հայտարարել էր, թե նա պետք է մանրամասնորեն ուսումնասիրի ներկայացված առաջարկը, սակայն երկուշաբթի օրը նրանք հայտարարեցին, որ Գուլտիերեսի դիրքորոշումը մնացել է անփոփոխ:

Միևնույն ժամանակ Նյու Ջերսիի դեմոկրատ Ռոբերտ Մենդեզիի մամլո քարտուղարը հայտարարեց, որ չի աջակցելու ոչ մի օրենսդրական առաջարկության, որը խոչընդոտում է և թուլացնում երեխաների պաշտպանության համար ստեղծված հատուկ օրենսդրական մեխանիզմները:

Ավագ ժողովրդավարական սենատորներ Դայան Ֆեյնշտեյնը, Պատրիկ Լեհին և Դիք Դուրբին նույնպես հայտնեցին իրենց մտահոգությունը փոփոխությունների առաջարկի վերաբերյալ:

Փորձագետները կարծում են, որ երկկուսակցական միգրացիոն ռեֆորմի ընդարձակման ձախողումը Կոնգրեսում կարող է էլ ավելի ամրապնդել դեմոկրատների շրջանում ձևավորված կարծիքը:

“Խնդիրը կայանում է նաև նրանում, որ դեմոկրատներն իրենք էն իրենց համար փոս փորում”, – ասում է Արտաքին կապերի խորհրդի նախագահ Էդվարդ Ալդենը: “Անցած տարվա ընթացքում նրանք չափազանց հաշտվողական քաղաքականություն էին վարում, սակայն այժմ դուռը փակվեց. նրանք ոչ մի հիմնավորում չունեն և նրանց մնում է միայն թաքնվել իրենց ընտրողների ետևում: Դեմոկրատների կողմից զրոյական պատրաստակամություն կա 2008 թվականի օրինագիծը փոխել և դա Օբամային շատ բարդ իրավիճակի մեջ է դնում:

Սկզբնազբյուր`
http://www.theguardian.com/world/2014/jul/14/obama-democrats-border-crisis-wilberforce-law-amendment