Ipress.am: Արցախի ԱԳՆ ղեկավարը չի բացառել, որ գերիների օրգանները վաճառում է Ադրբեջանը

ByAAVR

Ipress.am: Արցախի ԱԳՆ ղեկավարը չի բացառել, որ գերիների օրգանները վաճառում է Ադրբեջանը

Այն ինչ կատարվում է Ադրբեջանում մեր ռազմագերիների հետ միջազգային և մարդասիրական իրավունքների կոպտագույն խախտում է,- այս մասին «Փաստինֆո» -ի հետ զրույցում ասաց Արցախի Հանրապետության արտգործնախարար Դավիթ Բաբայանը եւ ընդգծել. «այս ամենը պետական բարձրագույն մակարդակում ահաբեկչություն և ավազակապետություն է»:

Միջազգային հանրությունը պետք է արձագանքի այս իրավիճակին և իր գնահատականը տա, բայց այս հարցում նույնպես մենք չպետք է չափազանց մեծ սպասումներ ունենանք: Մենք պետք է անընդհատ աշխատենք այս հարցով, տարբեր միջազգային ատյաններում: Այն, ինչ անում է Ադրբեջանը, միջազգային մարդասիրական իրավունքի կոպիտ խախտում է, հնարավոր է, որ այնտեղ մեր գերիները ենթարկվում են խոշտանգումների, տարբեր տեսակի անմարդկային վերաբերմունքի», – շեշտել է Բաբայանը:

Արցախի արտգործնախարարի գնահատմամբ՝ երեկ տեղի ունեցած միջադեպի հարված է հասցվել նաեւ խաղաղապահ առաքելությանը:

«Հասկանալի է, որ երեկվա միջադեպը պատահականություն չէր, դա լավ մտածված ծրագրի մի մաս էր: Ադրբեջանը երբեք պատահական ոչինչ չի անում»,- նկատեց նա:

«Փաստինֆո»-ի հարցին, թե որքանով են հավաստի տեղեկությունները, որ ադրբեջանցիները վաճառում են գերեվարված քաղաքացիների օրգաններ, Արցախի ԱԳՆ ղեկավարը պատասխանեց, որ դա բացառել չի կարելի:

«Ես ուզում եմ շեշտել, որ միջազգային հանրությունը պետք է բոլոր ջանքերը գործադրի մեր գերիներին և ռազմագերիներին ադրբեջանական գերությունից ազատելու համար», – շեշտեց Բաբայանը։

Հղում՝ https://ipress.am/hy/page/arcaxi-agn-chi-bacarel-vor-gerineri-organnery-vajarum-en?fbclid=IwAR2rmAfA8pigzFsf58d0OEXQgC0tuthYJGl_JBDZr0WXpClAC4lU2wJGM6c

Share

About the author

AAVR administrator