Sputnik.am: ՀՀ–ում 2022թ–ին հանցագործությունների թիվն աճել է 24,4%-ով. ոստիկանություն

ByAAVR

Sputnik.am: ՀՀ–ում 2022թ–ին հանցագործությունների թիվն աճել է 24,4%-ով. ոստիկանություն

2022 թվականին 76,3 %-ով աճել է թմրամիջոցների ապօրինի շրջանառության դեպքերի թիվը, դրան զուգընթաց՝ հայտնաբերվել են 94,9 %-ով ավելի թմրամիջոցների իրացման դեպքեր:

2023 թվականը թմրամիջոցների դեմ պայքարի և ապօրինի զենք-զինամթերքի առգրավման տարի է լինելու։ Այսօր Հայաստանի ներքին գործերի նախարարության ոստիկանության կոլեգիայի նիստի ժամանակ այս հայտարարությունն է արել ՀՀ ոստիկանության պետ Արամ Հովհաննիսյանը։

Տեղեկությունը հայտնում է գերատեսչության մամուլի ծառայությունը` նշելով, որ նիստում ամփոփել է 2022թ.–ի օպերատիվ-ծառայողական գործունեության արդյունքները:Այսպիսով` անցած տարի հանրապետությունում գրանցված հանցագործությունների ընդհանուր թվաքանակն աճել է 24,4%-ով: Արձանագրված 7367 դեպքից 3602-ը տրանսպորտային միջոցներ վարելու իրավունքից զրկված կամ վարելու իրավունքը կասեցված անձի կողմից տրանսպորտային միջոց վարելու դեպք է եղել, 997-ը՝ ծանր վիրավորանք հասցնելու, 743-ը՝ առավել լատենտային համարվող՝ թմրամիջոցների ապօրինի շրջանառության, 173-ը՝ զենքի, ռազմամթերքի ապօրինի շրջանառության դեպք։Ընդհանուր առմամբ գրանցվել է 37 հազար 612 դեպք։

«Ըստ հիմնական հանցատեսակների՝ աճել են դիտավորությամբ առողջությանը ծանր վնաս պատճառելու, խուլիգանության, ավազակության, կողոպուտի, խարդախության, համակարգչային տեխնիկայի միջոցով կատարված հափշտակությունների դեպքերը: Միևնույն ժամանակ, նվազել են սպանության ու գողության դեպքերը», – կոլեգիայի նիստի ժամանակ հայտարարել է ՆԳՆ ոստիկանության քրեական ոստիկանության գլխավոր վարչության պետ Վարդան Վարդանյանը։ Տարվա ընթացքում հանրապետությունում գրանցվել է մարդկանց թրաֆիքինգի 8 դեպք:

2022 թվականին 76,3 %-ով աճել է թմրամիջոցների ապօրինի շրջանառության դեպքերի թիվը, դրան զուգընթաց՝ հայտնաբերվել են 94,9 %-ով ավելի թմրամիջոցների իրացման դեպքեր: Արձանագրվել է 4308 ճանապարհատրանսպորտային պատահար, որոնց հետևանքով մահացել է 321, մարմնական վնասվածքներ է ստացել 6155 անձ: Նախորդ տարվա համեմատ պատահարների թիվը նվազել է 296-ով, զոհերինը՝ 47-ով, վիրավորներինը՝ 544-ով:

Ամփոփելով կոլեգիայի նիստը՝ ոստիկանության պետ-ՆԳ նախարարի տեղակալ Արամ Հովհաննիսյանը բավարար գնահատել է կատարված աշխատանքը, նշել թերություններն ու բացթողումները և համապատասխան հանձնարարականներ է տվել դրանք վերացնելու համար:

Հղումը՝ https://armeniasputnik.am/20230203/hhum-2022tin-hancagvortsutjunneri-tivn-atshel-e-244-vov-vostikanutjun-54807706.html

Share

About the author

AAVR administrator