ByAAVR
Վորլդ Վիժն Հայաստանը և ՀՀ փաստաբանների պալատը ստորագրեցին Համագործակցության հուշագիր
Վորլդ Վիժն Հայաստանի և ՀՀ փաստաբանների պալատի միջև ստորագրվեց Համագործակցության մասին հուշագիր` ԱՄՆ-ի պետքարտուղարության կողմից ֆինանսավորվող և Վորլդ Վիժն Հայաստանի կողմից իրականացվող «Միասին ընդդեմ մարդկանց թրաֆիքինգի» բազմավեկտոր և բազմաթիրախ ծրագրի շրջանակներում:
Փաստաթուղթն իրենց ստորագրությամբ վավերացրին Փաստաբանների պալատի նախագահ Սիմոն Բաբայանը և Վորլդ Վիժն Հայաստանի տնօրեն Րաֆֆի Դուդակլյանը։
Հուշագրով կողմերը նախատեսում են ծրագրի շրջանակներում համագործակցել մարդկանց թրաֆիքինգի և շահագործման վերաբերյալ քրեական վարույթներով զոհակենտրոն մոտեցումների և զոհակենտրոն քննության ապահովման ուղղությամբ։ Մասնավորապես՝ իրականացվելու են մասնագիտական վերապատրաստումներ Հանրային պաշտպանի գրասենյակի և քրեական վարույթին մասնակից փաստաբանների համար։
«Միասին ընդդեմ մարդկանց թրաֆիքինգի» ծրագրի նպատակն է թրաֆիքինգի հավանական զոհերի նույնացմանն ուղղված ջանքերի ավելացումը, թրաֆիքինգի զոհերին տրամադրվող աջակցության ծառայությունների շրջանակի և որակի կատարելագործումը, ինչպես նաև՝ քրեական վարույթի ընթացքում զոհակենտրոն մոտեցումների և զոհակենտրոն քննության գերակշռումը։
AAVR administrator
About the author