Byadmin
SPUTNIK: Աշնանը սկսված սկանդալային հետաքննությունը շարունակվում է․ ձերբակալվել է ևս 11 մարդ, այդ թվում ՝ դպրոցի ուսուցիչը
Վրաստանում 11 մարդ է ձերբակալվել երեխաների թրաֆիքինգի, ինչպես նաև անչափահասների մասնակցությամբ պոռնոգրական նյութերի արտադրության և վաճառքի համար, հայտնում է РИА Новости- ն ՝ հղում անելով երկրի ՆԳՆ-ին:
Նշվում է, որ ձերբակալվածների թվում են նաև երեխաների ծնողները և նրանց դպրոցի ուսուցիչը, ովքեր անչափահասներին ընտրել են արգելված ձևաչափով նկարահանման համար: Լուսանկարչական սրահը դավադրաբար տեղադրվել է ԱՄՆ քաղաքացու կողմից, տուժած դպրոցականների ծնողներին վարձատրություն է տրվել մասնակցության համար: Այժմ գործով բոլոր մեղադրյալներին սպառնում է 17-ից 20 տարվա ազատազրկում:
Նյութն ամբողջությամբ՝ https://ru.armeniasputnik.am/world/20191205/21325922/Delo-o-trafikinge-v-Gruzii-roditeli-sami-vodili-k-amerikantsu-detey-dlya-semok-v-porno.html
Byadmin
«Աշխատանքային թրաֆիքինգի պատմություն». Տեսաֆիլմ
Լրագրող Ամալյա Պապյանի արտագնա աշխատանքի խոստումով աշխատանքային թրաֆիքինգի ենթարկված անձանց մասին հետաքննական բնույթի տեսաֆիլմը.
«Անմարդկային վերաբերմունք մարդուն, թերևս, այսպես կարելի է բնութագրել այն ինչ կատարվել է անելանելի վիճակում հայտնված աշխատունակ տղամարդու հետ։
Ավետիքը երկու տարի շարունակ ենթարկվել է աշխատանքային թրաֆիքինգի ՌԴ-ում։ Ստրկության ընթացքում նրան վերավաճառել են երկու անգամ, վերջին գնորդը հայրենակիցն է եղել, ով և ըստ Ավետի առանձնակի դաժանությամբ է վերաբերվել իրեն ամեն օր ենթարկելով ծեծի։ Ավետին ազատ են արձակել ծայրահեղ հյուծված վիճակում, բազմաթիվ կոտրվածքներով և վնասվածքներով։ Դեպքի առթիվ ՌԴ-ում հարուցվել է քրեական գործ։
Ավետի ընտանիքը և անչափահաս երեխան այսօր են շարունակում են բնակվել ավտոտնակի տանիքին կառուցված սենյակում զուրկ տարական պայմաններից։
Թրաֆիքինգի դեպքերը շարունակում են ցավալի իրականություն մնալ ամբողջ աշխարհում և Հայաստանը բացառություն չէ։ Այս չարիքի դեմ պայքարը համակարգված և միասնական աշխատանք է ենթադրում, սակայն 2019 թ․- ին կառավարությունը այդպես էլ չհաստատվեց շահագործման դեմ պայքարի ազգային եռամյա ծրագիրը թողնելով այն հաջորդ տարվա օրակարգում»
Ամալյա Պապյան
Byadmin
Դեկտեմբերի 2-ը ստրկության դեմ պայքարի միջազգային օրն է
Փաստեր և թվեր`
- Շուրջ 40.3 միլիոն մարդ ամեն պահի գտնվում է ժամանակակից ստրկության մեջ, այդ թվում ՝ հարկադիր աշխատանքի՝ 24.9 մլն, հարկադիր ամուսնության մեջ՝ 15,4 մլն մարդ:
- Աշխարհի յուրաքանչյուր 1000 մարդուց 5,4-ը հանդիսանում են ժամանակակից ստրկության զոհ:
- Ժամանակակից ստրկության 4 զոհերից 1-ը երեխա է:
- Հարկադիր աշխատանքի 24.9 միլիոն զոհերից 16 միլիոն մարդ շահագործվում է մասնավոր հատվածում (աշխատանք տանը, շինարարությունում կամ գյուղատնտեսությունում). 4,8 միլիոն մարդ ենթարկվում է հարկադիր սեռական շահագործման և 4 միլիոն մարդ` ենթարկվում է հարկադիր աշխատանքի պետական մարմինների կողմից:
- Կանայք և աղջիկները անհամաչափորեն են ներգրավված հարկադիր աշխատանքի մեջ, մասնավորապես՝ սեռական շահագործման զոհերի 99% -ը, իսկ այլ ոլորտներում՝ 58% -ը կանայք կամ աղջիկներ են:
