ByAAVR
Ամերիկայի Միացյալ Նահանգների նախագահի հայտարարությունը մարդկանց թրաֆիքինգի դեմ պայքարի և կանխարգելման վերաբերյալ
«Ավելի քան երկու դար, Ամերիկայի Միացյալ Նահանգներն աշխատում է առաջ մղել ազատության գաղափարը: Ունենալով ստրկաատիրական պատմական անցյալ և նախնիներ, ովքեր շղթայված են բերվել այս երկիր, ԱՄՆ-ն ասօր հույսի նշույլ է այն մարդկանց համար, ովքեր փայփայում են ազատությունն ու հնարավորությունը: Այնուամենայնիվ, դեռևս, մեր հասարակությունն անթերի չէ, և մեր ազգը դեռ պետք է աշխատի այս արժեքները պահպանելու համար: Մեր իսկ երկրում և առհասարակ աշխարհում, մենք պետք է շարունակենք պայքարել մարդկային արժանապատվության և յուրաքանչյուր մարդու անօտարելի իրավունքների համար:
Այսօր միլիոնավոր տղամարդիկ, կանայք, երեխաներ դառնում են մարդկանց թրաֆիքինգի հանցագործության զոհ: Այս ժամանակակից ստրկությունն առկա է աշխարհի շատ երկրներում և մեր երկրի շատ համայնքներում: Այս հանցագործության զոհերն այնպիսի դաժանությունների են հանդիպում, որպիսիք տեղ չունեն քաղաքակիրթ աշխարհում: Երեխաներին ստիպում են պատերազմել, անչափահաս աղջիկներին` ծեծի են ենթարկում և ստիպում են զբաղվել մարնմավաճառությամբ, գաղթականները շահագործվում են և ստիպված են վաստակել կամ աշխատածի դիմաց չնչին գումար կամ առհասարակ ոչինչ: Մարդկանց թրաֆիքինգը հանցագործության այն տեսակն է, որն ունի տարբեր դրսևորումներ, և որը ճեղքում է մեր հասարակության կառուցվածը, նվաստացնում է մեր մարդկությունը, և ոտնահարում է այն, ինչի համար մեր երկիրն ու մարդիկ պայքարում են:
Հիմնված արդարության և արդարադատության գաղափարների վրա, Ամերիկայի Միացյալ Նահանգները շարունակում է լինել առաջատարը ժամանակակից ստրկությունը վերացնելու համընդհանուր շարժման մեջ: Մենք աշխատում ենք պայքարել մարդկանց թրաֆիքինգի դեմ, հետապնդնել հանցագործներին և օգնել զոհերին վերականգնել իրենց կյանքը: Մենք ստեղծել ենք ազգային նախաձեռնություններ` սովորեցնելու համար բուժաշխատողներին, ավիաուղիների աշխատակիցներին և այլ մասնագետներին կարողանալ բացահայտել զոհերին և աջակցություն ապահովել զոհերին: Մենք հզորացնում ենք զոհերի պաշտպանության մեխանիզմներև և աջակցում ենք նոր մեխանիզմներ ստեղծմանը` կանխարգելելու հանցագործությանը, մեծացնելու զոհերին ուղղված ծառայությունների հասանելիությունը, որոնք օգնում են վերապրածներին ապրել արժանապատվորեն: Մենք նաև աշխատում ենք մեր միջազգային գործընկերների հետ և հավատքի հիման վրա ստեղծված կազմակերպությունների հետ` հզորացնելու մարդկանց թրաֆիքինգի դեմ ուղղված ջանքերը բոլոր երկրներում:
Պայքարելով թրաֆիքինգի դեմ, մենք վեր ենք հանում և կրկնում ենք մեր նախնիների` աբոլիցիոնիստների փառքով ձեռք բերված քաջությունն ու վճռականությունը, մենք կառուցում ենք մեր ազգի խոստումնալից ապագան, որը նույնիսկ անհնարին իրավիճակում կարող է փոխվել երկիրը սիրողների կողմից: Յուրաքանչյուր քաղաքացի կարող է ոտքի կանգնել և պնդել, որ այն հագուստը, որ իրենք կրում են, այն սնունդը, որով սնվում են և այն ապրանքները, որոնք գնում են, չլինեն հարկադիր աշխատանքի պտուղները: Գործարարները և շահույթ չհետապնդող կազմակերպությունների ղեկավարները պետք է երաշխավորեն, որ մատակարարման շղթան չշահագործի ծառայության մեջ գտնվող անհատներին: Ամերիկայի Միացյալ Նահանգների Կառավարությունը կշարունակի պայքարել այն հիմնական ուժերի դեմ, որոնք ստիպում են մարդկանց դառնալ ժամանակակից ստրկության զոհը:
Ազգային Ստրկության և Մարդկանց Թրաֆիքինգի կանխարգելման ամսվանն ընդառաջ, մենք կանգնած են փրկվածների, փաստաբանների և այն կառույցների կողքին, որոնք օգնում են կառուցել մի աշխարհ, որտեղ մեր մարդիկ և մեր երեխաները չեն վաճառվում: Միասին, լինենք այնպիսի հասարակություն, որտեղ կկանգնենք մեր եղբայրների և քույրերի կողիքն որպես նրանց պահապաններ, որտեղ յուրաքանչյուր մարդ կկարողանա ստեղծել իր ունակություններին և երազանքներին համապատասխան կյանք: Այժմն, ես` Բարաք Օբաման, Ամերիկայի Միացյալ Նահանգների նախագահը, Սահմանադրությամբ և Միացյալ Նահանգների օրենքներով ստանձնած իշխանությամբ, հռչակում եմ 2015 թվականի հունվար ամիսը Ստրկության և Մարդկանց Թրաֆիքինգի Կանխարգելման ամիս, որը կեզրափակվի փետրվարի մեկին նշվող Ազատության Ազգային տոնով: Ես կոչ եմ անում գործարար, ազգային և համայնքային կազմակերպություններին, ընտանիքներին և բոլոր ամերիկացիներին ճանաչել ստրկությունը վերացնելու յուրաքանչյուրիս օգնության և ներդրման կարևորությունը և անցկացնել այս ամիսը համապատասխան ծրագրերով և գործողություններով:
Ի վկայություն ասվածի, դեկտեմբերի երեսունմեկերորդ օրը, մեր Աստծո երկու հազար տասնչորսերորդ տարում, և Ամերիկայի Միացյալ Նահանգների անկախության երկու հարյուր երեսունիներորդ տարվան, ես հանձն եմ առնում իրականացնել ամենը խնդրի լուծման համար:»
AAVR administrator
About the author