Մարդկանց թրաֆիքինգ շահագործման նպատակով. դասընթաց դիվանագիտական առաքելությունների համար

ByAAVR

Դասընթաց, Թրաֆիքինգ, Թրաֆիքինգի դեմ պայքար, Նորություններ

Մարդկանց թրաֆիքինգ շահագործման նպատակով. դասընթաց դիվանագիտական առաքելությունների համար

Վերջերս Երևանի Մարիոթ հյուրանոցում կայացավ «Մարդկանց թրաֆիքինգ շահագործման նպատակով. Հայաստանյան իրավիճակն ու իրականացվող գործողությունները և միջազգային փորձ» մեկօրյա դասընթացը դիվանագիտական առաքելությունների ներկայացուցիչների համար:
Դասընթացը կազմակերպված էր UMCOR-ի (ԱՄՆ միավորված մեթոդիստների օգնության կոմիտե), ՀՀ Արտաքին գործերի նախարարության և ԱՄՆ պետքարտուղարության թմրամիջոցների դեմ պայքարի և իրավապահ մարմինների հետ համագործակցության բյուրոյի աջակցությամբ:
Դասընթացի բացման խոսքում UMCOR վերականգնողական կենտրոն-ապաստարանի թրաֆիքինգի դեմ պայքարի ծրագրերի համակարգող Վիկտորիա Ավակովան հատկապես ընդգծեց, որ դասընթացին հավաքվածները` թրաֆիքինգի դեմ պայքարում առաջին գծի մարտիկներն են, քանզի հենց իրենք են առաջին օգնության աղբյուրը վտանգում հայտնված իրենց հայրենակիցների համար:
Հավաքվածներին նաև ողջունեցին ՀՀ Արտաքին գործերի նախարարության ներկայացուցիչ, ՀՀ-ում մարդկանց շահագործման դեմ պայքարի միջգերատեսչական աշխատանքային խմբի քարտուղար Լուսինե Հակոբյանը, ողջունելով հավաքվածների, իր ղեկավարի` ՀՀ-ում մարդկանց շահագործման (թրաֆիքինգի) հարցերով խորհրդին կից Թրաֆիքինգի դեմ պայքարի միջգերատեսչական աշխատանքային խմբի (ԹԱԽ) Վահրամ Կաժոյանի անունից, UMCOR-ի միջազգային ծրագրերի մենեջեր Նիքոլաս Ջեգերը, ԱՄՆ պետքարտուղարության թմրամիջոցների դեմ պայքարի և իրավապահ մարմինների հետ համագործակցության բյուրոյի Երևանյան ծրագրի տնօրեն Ջեք Անդերսոնը և «Դեմոկրատիան այսօր» ՀԿ հիմնադիր, ՄԱԿ-ի մարդու իրավունքների խորհրդի ստրկության գծով հատուկ զեկուցող, ԳՐԵՏԱ-ի փորձագետ, UMCOR-ի խորհրդատու Գյուլնարա Շահինյանը:
“ՀՀ կառավարությունը չափազանց կարևորում է թրաֆիքինգի դեմ պայքարը: Արդեն տասնամյակից ավել է ինչ Հայաստանը պայքարում է թրաֆիքինգի դեմ: Այս ընթացքում իրականացվել են օրենսդրական դաշտի բարեփոխումներ և համապատասխանեցվել են ստանձնած միջազգային պարտավորություններին: Հայաստանը միացել է մարդկանց թրաֆինքիգին առնչվող բոլոր միջազգային իրավական ակտերին և փաստաթղթերին: Ստեղծվել է խորհուրդ և կենսունակ համակարգ, որը համակարգում և ղեկավարում է ՀՀ Արտաքին գործերի նախարարությունը Միջազգային կազմակերպությունների վարչության պետի, թրաֆիքինգի դեմ պայքարի աշխատանքային խմբի ղեկավար Վահրամ Կաժոյանը: Խորհուրդը և աշխատանքային խումբը սերտ համագործակցում են թրաֆիքինգի դեմ պայքարի ոլորտում ներգրավված հասարակական և միջազգային կազմակերպությունների հետ», – իր ողջույնի խոսքում ասեց Լուսինե Հակոբյանը:
Իր հերթին Գյուլնարա Շահինյանը, կարևորելով UMCOR-ի գործունեությունը թրաֆիքինգի դեմ պայքարի ոլորտում հատկապես նշեց, որ թրաֆիքինգը չի ճանաչում սեռ և ազգություն, ուստի էլ ավելի կարևոր է համախմբվածությունը միջազգային հարթակներում:
Դասընթացի առաջին մասում իրենց ներկայացումներով ելույթ ունեցան ՀՀ ԱՍՀՆ ընտանիքի, կանանց և երեխաների հիմնահարցերի վարչության կանանց
հիմնահարցերի բաժնի գլխավոր մասնագետ Էլեոնորա Վիրապյանը, ՀՀ ոստիկանության կազմակերպված հանցագործության դեմ պայքարի գլխավոր վարչության թրաֆիքինգի դեմ պայքարի բաժնի պետ Ռոբերտ Գրիգորյանը և UMCOR վերականգնողական կենտրոն-ապաստարանի թրաֆիքինգի դեմ պայքարի ծրագրերի համակարգող Վիկտորիա Ավակովան:
Նրանք ներկայացրեցին ներկաներին մարդկանց թրաֆիքինգի դեմ պայքարի ոլորտում հայաստանյան փորձն ու անցած ճանապարհը, խնդիրների լուծումներն ու փորձը:
Դասընթացի երկրորդ մասում ներկայացվեց ոլորտի միջազգային փորձը, մասնակիցները հարց ու պատասխանի միջոցով քննարկեցին արդի մարտահրավերները:

Դասընթացի լուսանկարները կարող եք տեսնել հետևյալ հղումով՝ https://www.facebook.com/media/set/?set=a.999732473373489.1073741848.815159858497419&type=3