Մրցույթի հրավեր անհրաժեշտ աուդիո-վիդեո տեխնիկական հագեցվածությամբ տարածքի վարձակալության վերաբերյալ

ByAAVR

Մրցույթի հրավեր անհրաժեշտ աուդիո-վիդեո տեխնիկական հագեցվածությամբ տարածքի վարձակալության վերաբերյալ

Ծրագիր՝ «Միասին ընդդեմ մարդկանց թրաֆիքինգի»
Մրցույթի կազմակերպիչ՝«Աուդիո-Վիզուալ լրագրողների ասոցիացիա» ՀԿ
Հրապարակման ամսաթիվ` 26-ը հոկտեմբերի 2022թ.

2021 թվականի հուլիսին մեկնարկել է Ամերիկայի Միացյալ Նահանգների պետքարտուղարության կողմից ֆինանսավորվող և «Վորլդ Վիժն Ինթերնեյշընլ» միջազգային բարեգործական կազմակերպության հայաստանյան մասնաճյուղի, «Աուդիո-Վիզուալ լրագրողների ասոցիացիա» ՀԿ-ի և «Սեռական բռնության ճգնաժամային կենտրոն» ՀԿ-ի կողմից իրականացվող «Միասին ընդդեմ մարդկանց թրաֆիքինգի» ծրագիրը, որի թիրախային նպատակներից է մարդկանց թրաֆիքինգի և շահագործման ենթարկված անձանց հանդեպ զոհակենտրոն քննությունների ապահովումը, զոհերի պաշտպանությունը և աջակցության տրամադրումը։

Ծառայության նկարագրությունը`
Մրցույթի արդյունքում ընտրված իրավաբանական անձը կամ անհատը պետք է, նախօրոք հաստատված գրաֆիկի հիման վրա, 5 անձի հետ իրականացվող հարցազրույցների կազմակերպման համար տրամադրի.

• Ձայնագրման/տեսագրման համար նախատեսված տարածք,
• Ձայնագրման/տեսագրման համար անհրաժեշտ սարքավորումներ (տեսախցիկ, բարձրախոս, ձայնագրող սարք, լուսային սարքեր, SD քարտ),
• Մոնտաժման սարքավորումներ:

Վարձակալության ժամկետը`
2022թ.-ի նոյեմբերի 17-ից 2023թ.-ի հունվարի 17-ը։

Ներկայացվող պահանջները`

• ձայնագրման/տեսագրման տեղանքի և դրանց իրականացման մասին տեղեկության գաղտնիության ապահովում,
• ձայնագրման/տեսագրման և մոնտաժման ժամանակ տարածքում կողմնակի անձանց բացակայություն,
• հարցազրույցների ավարտից հետո SD քարտի փոխանցում հարցազրույց վարողին:

Հայտը պետք է ներառի`

• ձայնագրման/տեսագրման համար նախատեսված տարածքի հասցեն,
• ձայնագրման/տեսագրման համար անհրաժեշտ սարքավորումների ցանկը,
• կնքված և ստորագրված գնառաջարկ նշված ժամանակահատվածի համար:

Մրցույթին դիմելու կարգը
Մրցույթի մասնակցության հայտն անհրաժեշտ է ուղարկել մինչ 2022թ.-ի նոյեմբերի 03-ը audio.visual@yahoo.com էլ․ հասցեին: Subject մասում պետք է նշել Հայտ «Ձայնագրման/տեսագրման/մոնտաժման աշխատանքների համար նախատեսված տարածքի և տեխնիկական միջոցների վարձակալության տրամադրման»