Գիտելիքների մրցարշավ ընդդեմ թրաֆիքինգի Ստեփանավանում

ByAAVR

Աուդիո-Վիզուալ, Գիտելիքների մրցարշավ, Դասընթաց, Թրաֆիքինգ, թրաֆիքինգը Հայաստանում, Թրաֆիքինգի դեմ պայքար, Կանխարգելում, Հաղթող, Մարդկանց թրաֆիքինգ, Նորություններ

Գիտելիքների մրցարշավ ընդդեմ թրաֆիքինգի Ստեփանավանում

Օգոստոսի 21-ին ՀՀ 2015-ի թվականի երիտասարդական մայրաքաղաք Ստեփանավանում կայացավ “Գիտելիքների մրցարշավ ընդդեմ թրաֆիքինգի” ծրագրի երկրորդ՝ եզրափակիչ փուլը, որը անցավ Brain Ring խաղի ձևաչափով:

2014թ. գարնանը ստեփանավանցի երիտասարդները, ոգևորվելով Ստեփանավանը տարվա երիտասարդական մայրաքաղաք դարձնելու գաղափարով, համախմբվեցին «Երիտասարդությունն ուժ է, մենք հավատում ենք մեր հաղթանակին» կարգախոսի շուրջ և մասնակցեցին ՀՀ սպորտի և երիտասարդության հարցերի նախարարության հայտարարած «ՀՀ տարվա երիտասարդական մայրաքաղաք» մրցույթին:

Համառ պայքարի արդյունքում փորձագետների գնահատականների և առցանց քվեարկության արդյունքների համադրմամբ մրցույթի մասնակից 6 քաղաքներից, որոնք էին Եղեգնաձոր, Ծաղկաձոր, Չարենցավան, Քաջարան, Ստեփանավան և Կապան քաղաքները, Հայաստանի Հանրապետության 2015 թվականի երիտասարդական մայրաքաղաք հռչակվեց Լոռու մարզի Ստեփանավան քաղաքը և տարեմուտին ընդառաջ 2014թ. դեկտեմբերի 24-ին ՀՀ առաջին երիտասարդական մայրաքաղաք Սիսիանից վերցրեց երիատարդական մայրաքաղաքի էստաֆետը:

“Գիտոլիքների մրցարշավ ընդդեմ թրաֆիքինգի” ծրագիրը իրականցվեց “Արտ Սայթ” ՍՊԸ-ի և ՀՀ Սպորտի և երիտասարդության հարցերի նախարարության համատեղ ուժերով, ինչպես նաև “Աուդիո-Վիզուալ լրագրողների ասոցիացիա” ՀԿ-ի ստեղծագործական թիմի գործընկերությամբ:

Ծրագրի ստեղծագործական թիմը մշակել էր երիտասարդների հետ գիտելիքները կիսելու և այնուհետև ամրապնդելու և ստուգելու նոր, հետաքրքիր ձևաչափ, որը առաջին անգամ կիրառվեց 2014 թվականին Սիսիանում:

Խոսքը Brain Ring խաղի մասին է, որից առաջ նախապատրաստական դասընթացի ընթացքում մասնակիցները փորձագետների օգնությամբ ծանոթացան մարդկանց թրաֆիքինգի, հայկական սփյուռքի ու Ստեփանավանի պատմամշակութային արժեքների թեմաներին: Այնուհետև ստացած գիտելիքները ստուգվեցին մրցույթային կարգով. որպես խաղի սկզբունք ընտրվել էր Brain Ring խաղի սկզբունքը՝ ճիշտ և արագ հարցերին նախորոք կազմավորված թիմերով պատասխանելը:

2013թ.-ի ՀՀ կառավարության “ՀՀ-ում մարդկանց շահագործման (թրաֆիքինգի) դեմ պայքարի ուղղությամբ տարված աշխատանքների վերաբերյալ” հաշվետվության մեջ նշված է, որ ի տարբերություն մեծ քաղաքների, փոքր քաղաքներում և գյուղական բնակավայրերում մարդկանց թրաֆիքինգի իմացության մակարդակը համեմատաբար ցածր է:

Ծրագրին մասնակցեցին Ստեփանավանի տարբեր բնագավառում աշխատող և սովորող 50 երիտասարդներ, ուսանողներ և ավագ դպրոցի աշակերտներ, պետական և հասարակական կառույցների, բիզնես կազմակերպությունների ներկայացուցիչներ:

Դասընթացներին հրավիրված փորձագետները, որոնք նախորոք մշակել էին նաև խաղի հարցաշարը, դասընթացների ընթացքում մասնակիցների հետ կիսվեցին բոլոր այն անհրաժեշտ գիտելիքներով, որոնք հետագայում կօգնեին երիտասարդներին ոչ միայն ճիշտ պատասխաններ տալ խաղերի ժամանակ և հաղթել, այլև օգնել կանխարգելելու և պայքարելու թրաֆիքինգի դեմ:
Խաղին մասնակցելու համար ծրագրի 35 մասնակիցներն ըստ կազմակերպությունների բաժանվեցին 7 թիմերի, յուրաքանչյուրում՝ 5 խաղացող:

Ծրագրի երկու փուլերն էլ անցկացվեցին հանրության ակտիվ մասնակցությամբ: Թիմերը հանդես էին գալիս խաղի համար հատուկ պատրաստված հանդերձանքով՝ խորհրդանշելով հայկական եռագույնը, “STOP TRAFFICKING” ուղերձը և www.antitrafficking.am կայքի հասցեն:

Խաղի թափանցիկությունն ապահովելու համար օգտագործվեց նախորոք մշակված համակարգչային ծրագիր, որն էլ ապահովեց խաղի անաչառությունը: Հաղթանակած “Ստեփանավան” կապույտ թիմը պարգևատրվեց քնապարկերով և վրանով, որպես առողջ ապրելակերպի և թրաֆիքինգի վտագի մասին իրազեկման յուրօրինակ խորհրդանիշ: Իսկ երկրորդ և երրորդ տեղ զբաղեցրած “Արջասար” և “Անի” թիմերը՝ պարգևատրվեցին քնապարկերով և “anti-trafficking” կարգախոսով հուշանվերներով:

Brain Ring խաղի ամբողջական ֆոտոշարքը կարող եք դիտել հետևյալ հղումով՝ Ստեփանավան. “Գիտելիքների մրցարշավ ընդդեմ թրաֆիքինգի”, Brain Ring 

Ծրագրի առաջին փուլի դասընթացի ներկայացումները հասանելի են հետևյալ հղումով՝ Փորձագետների ներկայացումներ