ByAAVR
Թրաֆիքինգի դեմ պայքարում ներգրավվում են նաև առողջապահական կառույցները
ԱՄՆ պետդեպարտամենտի ֆինանսավորմամբ Վորլդ Վիժն Հայաստանի կողմից իրականացվող «Միասին ընդդեմ մարդկանց թրաֆիքինգի» ծրագրի շրջանակներում ծրագրային թիմը 29.04.2022թ․ հյուրընկալվել է ՀՀ առողջապահության նախարարության ակադեմիկոս Ս.Ավդալբեկյանի անվան Առողջապահության ազգային ինստիտուտում, որտեղ հանդիպում-քննարկում է ծավալել Առողջապահության ազգային ինստիտուտի դեկան տիկին Գոհար Երիմյանի հետ։
Հանդիպման ընթացքում քննարկվել են առողջապահական ոլորտի գործառույթն ու դերը թրաֆիքինգի կանխարգելման, զոհերին աջակցելու և ուղղորդելու հարցում։ Կողմերը մասնավորապես ընդգծել են բուժաշխատողների կողմից աշխատանքային և սեռական թրաֆիքինգի ենթադրյալ դեպքերը հայտնաբերելու և իրավասու մարմիններ ուղղորդելու կապակցությամբ ուղեցուցային բնույթի փաստաթղթեր մշակելու (լրամշակելու) և ներդնելու, դրանց և այլ ուսումնաօժանդակ նյութերի հենքի վրա համապատասխան մոդուլներ ձևավորելու և ուսումնական գործընթացներում ներառելու անհրաժեշտությունը, ինչպես նաև՝ հետագայում դրանց հիման վրա վերապատրաստման դասընթացներ կազմակերպելու հնարավորությունը։
Փոխգործակցության հետագա ընթացքի վերաբերյալ կիրազեկվի հաջորդիվ։
AAVR administrator
About the author