Մրցանակների հանձնում Մարդկանց թրաֆիքինգը լուսաբանող լրագրողական մրցանակաբաշխության հաղթողներին

Մրցանակների հանձնում Մարդկանց թրաֆիքինգը լուսաբանող լրագրողական մրցանակաբաշխության հաղթողներին

2025 թ.-ի դեկտեմբերի 17-ին Երևանի Պետական Համալսարանի ISTC հիմնադրամի սրահում կայացավ մարդկանց թրաֆիքինգը լուսաբանող ամենամյա լրագրողական մրցանակաբաշխության մասնակիցների մրցանակների հանձնման արարողությունը։ 

Միջոցառմանը մասնակցում էին պետական և հասարակական կառույցների ներկայացուցիչներ, լրագրողական աշխատանքները գնահատող խմբի փորձագետներ, ուսանողներ։

Մրցանակաբաշխության հետևյալ անվանակարգերում հաղթողներ ճանաչվեցին՝

«Հեռուստա/ռադիո արտադրանք»

1-ին տեղ՝ Ամալյա Պապյան (https://www.youtube.com/watch?v=F0TEpWrhiWU)

2-րդ տեղ՝ Լիանա Խաչատուրյան (https://www.1lurer.am/hy/2024/12/31/1/1244475)

3-րդ տեղ՝ Նաիրի Մուրադյան (https://www.youtube.com/watch?v=epeq05QvoJ4) 

«Տպագիր և էլեկտրոնային նյութեր»

3-րդ տեղ՝ Սոնա Մարտիրոսյան (https://jam-news.net/am/%d5%a9%d6%80%d5%a1%d6%86%d5%ab%d6%84%d5%ab%d5%b6%d5%a3%d5%a8-%d5%b0%d5%b0-%d5%b8%d6%82%d5%b4%e2%80%a4-%d5%a1%d5%b6%d5%b1%d5%b6%d5%a1%d5%af%d5%a1%d5%b6-%d5%ba%d5%a1%d5%bf%d5%b4%d5%b8%d6%82%d5%a9%d5%b5/)

Պատմական ակնարկ

2012 թվականին Հայաստանում մարդկանց թրաֆիքինգի դեմ պայքարի աշխատանքային խմբի ջանքերով հիմնվեց «Հայաստանի Հանրապետությունում մարդկանց թրաֆիքինգի և շահագործման դեմ պայքարի լուսաբանման» ամենամյա լրագրողական մրցանակաբաշխությունը, որը միակն է ոչ միայն տարածաշրջանում, այլև եզակիներից մեկն աշխարհում։ Այն խրախուսում է հանրային ամենամեծ ազդեցություն ունեցող մեդիա դաշտի ներկայացուցիչներին անդրադառնալ մարդկության ամենամեծ չարիքներից մեկին՝ թրաֆիքինգին, դրա կանխարգելմանը, դեպքերի բացահայտմանը և տուժածներին աջակցություն տրամադրելու ուղղորդմանը։ 

Մրցանակաբաշխությունը հատկանշական է նաև նրանով, որ ֆինանսավորվում է պետության կողմից։ 

Մրցանակաբաշխության առկայությունը մեծապես նպաստում է ոչ միայն մարդկանց թրաֆիքինգի ճիշտ և արդյունավետ լուսաբանմանը, այլև միջազգային կազմակերպությունների՝ ԱՄՆ Պետքարտուղարության և Եվրոպական Խորհրդի Մարդկանց թրաֆիքինգի դեմ պայքարի հարցերով փորձագիտական խմբի (GRETA) կողմից Հայաստանում մարդկանց թրաֆիքինգի դեմ պայքարի գնահատմանը։

Միջոցառման որոշ դրվագներ ներկայացնում ենք Արման Ղարիբյանի ֆոտո ռեպորտաժով։ Շնորհակալություն Արմանին։