Council of Europe: GRETA-ն հրապարակել է մարդկանց թրաֆիքինգի դեմ պայքարի վերաբերյալ իր 15-րդ ընդհանուր զեկույցը

ByAAVR

Council of Europe: GRETA-ն հրապարակել է մարդկանց թրաֆիքինգի դեմ պայքարի վերաբերյալ իր 15-րդ ընդհանուր զեկույցը

Եվրոպայի խորհրդի՝ Մարդկանց թրաֆիքինգի դեմ պայքարի փորձագիտական խումբը (GRETA) հրապարակել է իր 15-րդ ընդհանուր զեկույցը՝ հատուկ ուշադրություն դարձնելով հանցավոր գործունեության նպատակով մարդկանց շահագործման աճող վտանգին։

Զեկույցում ընդգծվում է, որ թրաֆիքինգի զոհերին հարկադրում են մասնակցել առցանց խարդախությունների, թմրամիջոցների շրջանառության և այլ անօրինական գործողությունների։ Հատկապես խոցելի են երեխաները, առանց ուղեկցության անչափահասները և սոցիալապես անապահով անձինք։

GRETA-ն կարևորում է զոհերի ժամանակին նույնականացումը և չպատժելու սկզբունքի կիրառումը՝ ընդգծելով, որ հարկադրանքի պայմաններում հանցավոր գործողություններ կատարած թրաֆիքինգի զոհերը պետք է ստանան անհրաժեշտ պաշտպանություն և աջակցություն։

Աղբյուր՝ Council of Europe / GRETA։ https://edoc.coe.int/en/trafficking-in-human-beings/12608-15th-general-report-greta-group-of-experts-on-action-against-trafficking-in-human-beings.html