ByAAVR
Մարդկանց թրաֆիքինգի մասին ԱՄՆ պետքարտուղարության 2016 թվականի զեկույցը
ԱՄՆ պետքարտուղար Ջոն Քերին այսօր հրապարակեց աշխարհում մարդկային թրաֆիքինգի մասին 2016թ. զեկույցը, որտեղ երևում է, թե ինչպես են 188 երկրներ, այդ թվում՝ ԱՄՆ-ն, 2015թ-2016թ. ընթացքում պայքարել այս լուրջ հանցագործության դեմ: Յուրաքանչյուր երկրի համար նշվում է մարդկային թրաֆիքինգի ծավալը, կառավարության կողմից թրաֆիքինգի դեմ պայքարելու գործադրված ջանքերը և աշխարհում՝ներառյալ ԱՄՆ-ում, մարդկային թրաֆիքինգի հանդեպ միտումները: Չորս տարի շարունակ Հայաստանը գտնվում է 1-ին երկրների շարքում, որոնք ճանաչվում են որպես մարդկային թրաֆիքինգի դեմ լիակատար պայքարին նվիրված երկրներ: Զեկույցում ընդգծվում է Հայաստանում թրաֆիքինգի դեմ պայքարի աշխատանքային խմբի առանցքային դերը, որում ընդգրկված են ներկայացուցիչներ կառավարությունից, քաղաքացիական հասարակությունից և միջազգային կազմակերպություններից: «Այս աշխատանքային խմբի հաջողությունը ցույց է տալիս, թե ինչպիսի նվաճումների կարելի է հասնել այն դեպքում, երբ կառավարությունն ու քաղաքացիական հասարակությունը իրար լսում են և համագործակցում», ասաց ՀՀ-ում ԱՄՆ դեսպան Ռիչարդ Միլսը: «Այս աշխատանքային խումբը օրինակ է ծառայում բարդ և դժվարին խնդիրների դեմ պայքարելու գործում»:
Կառավարության կողմից տրամադրված միջոցները, որոնք ուղղված էին մարդկային թրաֆիքինգի դեմ պայքարին, համապատասխան օրենքների ընդունումը, մարդկային թրաֆիքինգով զբաղվող անձանց հետապնդումը, կանխարգելիչ և մարդկանց տեղեկացվածությունը բարձրացնող գործողությունները, ինչպես նաև մարդկային թրաֆիքինգի զոհերի ինքնությունը հաստատող պաշտոնական կոմիտեի հիմնադրումը և մարդկային թրաֆիքինգի զոհերի փոխհատուցման մեխանիզմների վերջնականացումը թվարկվում են այն նշանակալից զարգացումների շարքում, որոնք նպաստեցին Հայաստանի դիրքը պահպանելու գործում:
Զեկույցը կարդացեք այստեղ:
AAVR administrator
About the author