ՄՐՑՈՒՅԹԻ ՀՐԱՎԵՐ։ «Միասին ընդդեմ մարդկանց թրաֆիքինգի» ծրագրի շրջանակներում ազգային փորձագետի կարճաժամկետ ծառայությունների ձեռքբերման համար մրցույթին մասնակցելու մասին

ByAAVR

ՄՐՑՈՒՅԹԻ ՀՐԱՎԵՐ։ «Միասին ընդդեմ մարդկանց թրաֆիքինգի» ծրագրի շրջանակներում ազգային փորձագետի կարճաժամկետ ծառայությունների ձեռքբերման համար մրցույթին մասնակցելու մասին

“Սեռական բռնության ճգնաժամային կենտրոն” ՀԿ-ն հայտարարում է մրցույթ «Միասին ընդդեմ մարդկանց թրաֆիքինգի» ծրագրի շրջանակներում ազգային փորձագետի կարճաժամկետ ծառայությունների ձեռքբերման նպատակով։

ՏԵԽՆԻԿԱԿԱՆ ԲՆՈՒԹԱԳԻՐ/ TERMS OF REFERENCE (TOR)
2021 թվականի հուլիսին մեկնարկել է Ամերիկայի Միացյալ Նահանգների պետքարտուղարության կողմից ֆինանսավորվող և «Վորլդ Վիժն Ինթերնեյշընլ» միջազգային բարեգործական կազմակերպության հայաստանյան մասնաճյուղի կողմից Հայաստանի Հանրապետությունում (այսուհետ՝ ՀՀ) իրականացվող «Միասին ընդդեմ մարդկանց թրաֆիքինգի» ծրագիրը (այսուհետ՝ Ծրագիր), որի թիրախային նպատակներից է ՀՀ աշխատանքի և սոցիալական հարցերի նախարարության (այսուհետ՝ ԱՍՀՆ) կողմից պատվիրակված մարդկանց թրաֆիքինգի և շահագործման հավանական զոհերին և զոհերին աջակցության/ վերաինտեգրման ծառայություններ տրամադրող հասարակական կազմակերպությունների (այսուհետ՝ ՀԿ) մասնագետների մասնագիտական կարողությունների և հմտությունների հզորացումը և մարդկանց թրաֆիքինգի և շահագործման հավանական զոհերին և զոհերին տրամադրվող աջակցության/ վերաինտեգրման ծառայությունների բարելավումը և կատարելագործումը։
Ծրագրով նախանշված գործողությունների պատշաճ կատարումն ապահովելու անհրաժեշտությունից ելնելով՝ անհրաժեշտ է իրականացնել ԱՍՀՆ-ի կողմից պատվիրակված մարդկանց թրաֆիքինգի և շահագործման հավանական զոհերին և զոհերին աջակցության/ վերաինտեգրման ծառայություններ տրամադրող տեղական ՀԿ-ների մասնագետների կարողությունների զարգացմանը, մասնավորապես՝ մարդկանց թրաֆիքինգի և շահագործման հավանական զոհերի և զոհերի հետ աշխատանքում տրավմաների տեղեկացվածությանը, ինչպես նաև զոհակենտրոն և երեխայաընկեր մոտեցումների ներդրմանն ուղղված վերապատրաստում, որը կկազմակերպվի և կիրականացվի Ծրագրի համակատարող «Սեռական բռնության ճգնաժամային կենտրոն» ՀԿ-ի (այսուհետ՝ ՍԲՃԿ) կողմից:

ՁԵՌՔԲԵՐՎԵԼԻՔ ԾԱՌԱՅՈՒԹՅՈՒՆՆԵՐԻ ԲՆՈՒՅԹԸ
Մրցույթի արդյունքում ընտրված փորձագետը համագործակցային սկզբունքով իր մասնագիտական գիտելիքով պետք է աջակցի ՍԲՃԿ-ին դասընթացի իրականացման գործընթացում: Դասընթացը պետք է իրականացվի ԱՍՀՆ-ի կողմից պատվիրակված մարդկանց թրաֆիքինգի կամ շահագործման հավանական զոհերին և զոհերին աջակցության/ վերաինտեգրման ծառայություններ տրամադրող տեղական ՀԿ-ների մասնագետների մասնագիտական կարողությունների ու հմտությունների զարգացմանն ուղղված «Մարդու թրաֆիքինգի կամ շահագործման բնութագիրը և թրաֆիքինգի կամ շահագործման ենթարկված անձանց պաշտպանությունն ու աջակցությունը» խորագրով վերապատրաստման մոդուլի հիման վրա, որը ներառում է՝ մարդկանց թրաֆիքինգի և շահագործման երևույթի, գործող միջազգային և ազգային ոլորտային օրենսդրության, զոհերի նույնացման, աջակցության տրամադրման և ուղղորդման, ինչպես նաև մարդկանց թրաֆիքինգի կամ շահագործման հավանական զոհերի և զոհերի հետ աշխատանքում տրավմաների տեղեկացվածության, զոհակենտրոն և երեխայաընկեր մոտեցումների ներդրմանն առնչվող թեմաներ։
Փորձագետը պետք է նախապես ուսումնասիրած լինի «Մարդու թրաֆիքինգի կամ շահագործման բնութագիրը և թրաֆիքինգի կամ շահագործման ենթարկված անձանց պաշտպանությունն ու աջակցությունը» խորագրով վերապատրաստման մոդուլը և դրան կից կառավարության որոշումները, ծառայության մատուցման շրջանակում կատարի ՍԲՃԿ մասնագետների ուղղորդում, վերապատրաստման մասնակիցների համար մեկնաբանի մոդուլին կից ներկայացվող իրավական ակտերը. Մարդկանց թրաֆիքինգի և շահագործման զոհերի նույնացման հանձնաժողովի կողմից անձին որպես զոհ կամ հատուկ կատեգորիայի զոհ նույնացնելու ցուցիչները /ՀՀ կառավարության 2022 թվականի հոկտեմբերի 6-ի N 1534-Ն որոշում/, Որակի նվազագույն չափորոշիչներ մարդկանց թրաֆիքինգի զոհերին և հատուկ կատեգորիայի զոհերին կացարանի տրամադրման, բնաիրային, հոգեբանական, խորհրդատվական, իրավաբանական օգնության և խնամքի տրամադրման, այդ թվում՝ համապատասխան հաստատություններում /ՀՀ կառավարության 2022 թվականի հոկտեմբերի 6-ի N 1538 – Ն որոշում/, աջակցի վերապատրաստման սահիկաշարի պատրաստման գործընթացում:

ԱԿՆԿԱԼՎՈՂ ԱՐԴՅՈՒՆՔԸ
ԱՍՀՆ-ի կողմից պատվիրակված մարդկանց թրաֆիքինգի կամ շահագործման հավանական զոհերին և զոհերին աջակցության/ վերաինտեգրման ծառայություններ տրամադրող տեղական ՀԿ-ների մասնագետների վերապատրաստման արդյունքում կապահովվի ՀԿ-ների մասնագետների հատուկ մասնագիտական հմտությունների ու կարողությունների կատարելագործումը, ինչն էլ կնպաստի մարդկանց թրաֆիքինգի հավանական զոհերին և զոհերին տրամադրվող աջակցության բարելավմանը, այդ թվում՝ մարդկանց թրաֆիքինգի և շահագործման հավանական զոհերի և զոհերի հետ աշխատանքում տրավմաների տեղեկացվածության ապահովմանը և զոհակենտրոն ու երեխայաընկեր մոտեցումների վրա հիմնված աջակցության տրամադրմանը։

Վերապատրաստման թիրախը ընտրվել է ծրագրային թիմի կողմից այսօր ՀՀ-ում մարդկանց թրաֆիքինգի և շահագործման հավանական զոհերի և զոհերի հետ աշխատանք իրականացնող, ինչպես նաև կառույցներ, որոնք կարող են իրենց գործունեության ընթացքում դուրս բերել, բացահայտել և նույնացնել նշված դեպքերը և կատարել գրագետ և զոհակենտրոն ճգնաժամային միջամտություն և ուղղորդում, այդ թվում նաև երեխաների, փախստականների և այլ թիրախ խմբերի հետ աշխատող կառույցներ:

ՆԵՐԳՐԱՎՎԱԾ ՇՐՋԱՆԱԿՆԵՐԸ
ՍԲՃԿ և ՎՎ թիմ, պատվիրատուի կողմից որոշված այլ շահագրգիռ կառույցներ։

ՓՈՐՁԱԳԵՏԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ

Կրթություն – իրավագիտություն մասնագիտությամբ բարձրագույն կրթություն

Աշխատանքային փորձ – հինգ տարվա մասնագիտական ստաժ, որից առնվազն մեկ տարին պետք է կապված լինի մարդկանց թրաֆիքինգի և շահագործման ոլորտում մասնագիտական նյութերի մշակման և/կամ վերապատրաստման (ուսումնական) մոդուլների ձևավորման, ինչպես նաև որպես դասընթացավար՝ մասնագիտական վերապատրաստումների անցկացման փորձի հետ:

Լեզուների իմացություն – հայերենի, ռուսերենի և անգլերենի մասնագիտական իմացություն։

ԾԱՌԱՅՈՒԹՅՈՒՆՆԵՐԻ ՄԱՏՈՒՑՄԱՆ ԺԱՄԿԵՏԸ, ԿԱՐԳԸ ԵՎ ՎՃԱՐՄԱՆ ՊԱՅՄԱՆՆԵՐԸ

• Ծառայությունները մատուցվելու են «Սեռական բռնության ճգնաժամային կենտրոն» հասարակական կազմակերպության հետ կնքված քաղաքացիաիրավական պայմանագրի հիման վրա 2023թ․ հունիսի 20-ից – 2023թ․ սեպտեմբերի 29-ը՝ ներառյալ, ընկած ժամանակահատվածում՝ որպես սկզբնաժամկետ է դիտարկվում 2023 թվականի հունիսի 20-ը:
• Ծառայությունների մատուցումը պետք է իրականացվի պայմանագրով սահմանված ժամկետում՝ ըստ անհրաժեշտության հնարավորինս սեղմ ժամկետում Պատվիրատուին մանրամասն տեղեկություններ տրամադրելով աշխատանքների կատարման ընթացքի վերաբերյալ:
• Պատվիրատուն վճարումը կկատարի աշխատանքներն ավարտելուց հետո վերջնական հաշվետվությունը ներկայացնելուց և երկուստեք ստորագրված ընդունման-հանձնման ակտի հիման վրա՝ հինգ աշխատանքային օրվա ընթացքում:

ՄԱՍՆԱԿՑՈՒԹՅԱՆ ՀԱՄԱՐ ՊԱՀԱՆՋՎՈՂ ՓԱՍՏԱԹՂԹԵՐ

• Անձը հաստատող փաստաթուղթ,
• ինքնակենսագրական (CV),
• մոտիվացիոն նամակ, որում պետք է հստակ մատնանշվեն նախկին համանման փորձառությունը՝ աշխատելու ժամանակաշրջանի մատնանշմամբ և իր կողմից մատուցվելիք ծառայությունների առավել որակյալ մատուցման հիմնավորումը, այդ թվում՝ ծառայությունների մատուցման ժամանակացույցը և աշխատանքների իրականացման մեթոդաբանությունը,
• կրթության և աշխատանքային փորձի առկայությունը հավաստող փաստաթղթեր (դիպլոմ, քաղվածք` աշխատանքային գրքույկից և այլն),
• վարձատրության բյուջեն (մեկ օրվա ակնկալվող վճարը՝ ներառյալ հարկերը)։

Անհրաժեշտ փաստաթղթերը պետք է ուղղարկել ՍԲՃԿ. sacc.arm@gmail.com էլ.հասցեին մինչև հունիսի 14-ը ներառյալ: