ByAAVR
«Միասին ընդդեմ մարդկանց թրաֆիքինգի» ծրագրային տեսլականները քննարկվել են Հայաստանի գործատուների հանրապետական միության հետ
ԱՄՆ պետքարտուղարության ֆինանսավորմամբ՝ Վորլդ Վիժն Հայաստանի կողմից իրականացվող «Միասին ընդդեմ մարդկանց թրաֆիքինգի» ծրագրի թիմը հանդիպել է Հայաստանի գործատուների հանրապետական միության նախագահ Գագիկ Մակարյանի հետ։
Հանդիպման ընթացքում քննարկվել են ծրագրի իրականացման ընթացքում կառույցի հետ հնարավոր փոխգործակցության ուղիներն ու հեռանկարները։ Հայաստանի գործատուների հանրապետական միությունը ներկայացնում է գործատուների համաընդհանուր շահերը՝ լինելով ՀՀ կառավարության ու Հայաստանի արհմիությունների (ՀԱՄԿ) միակ պաշտոնական սոցիալական գործընկերը, բացի այդ՝ ունի համագործակցության հարուստ փորձ կրթական հաստատությունների հետ՝ ներկայացնելով գործատուների պահանջները մասնագիտական և աշխատանքային հմտությունների վերաբերյալ։
Համագործակցության դեպքում վերոնշյալը հնարավորություն կտա ծրագրի շրջանակում առավել արդյունավետ իրազեկել և վերապատրաստել գործատուներին մարդկանց թրաֆիքինգի և շահագործման վտանգների վերաբերյալ, ինչպես նաև՝ ներկայացնել մարդկանց՝ հատկապես կանանց և երեխաների, թրաֆիքինգի և շահագործման կանխարգելմանն ուղղված մեխանիզմները։
AAVR administrator
About the author