ByAAVR
Քննարկվել են մեր երկրում թրաֆիքինգի դեմ պայքարն ավելի արդյունավետ դարձնելու մեխանիզմները
ԱՄՆ պետդեպարտամենտի ֆինանսավորմամբ՝ «Վորլդ Վիժն Հայաստան» կազմակերպության կողմից իրականացվող «Միասին ընդդեմ մարդկանց թրաֆիքինգի» ծրագրի շրջանակում, ծրագրի համակատարող Սեռական բռնության ճգնաժամային կենտրոնի հետ համատեղ նախաձեռնությամբ ՀՀ աշխատանքի և սոցիալական հարցերի նախարարության հավասար հնարավորությունների ապահովման վարչության և ԱՄՆ ՄԶԳ (USAID) ֆինանսավորմամբ իրականացվող «Տվյալներ ազդեցության համար» ծրագրի (D4I) ներկայացուցիչների մասնակցությամբ կայացավ հանդիպում-քննարկում։
Հանդիպման նպատակն էր Մարդկանց թրաֆիքինգի և շահագործման զոհերի նույնացման հանձնաժողովի գործառույթների իրականացմամբ պայմանավորված հավաքված տվյալների թվայնացման աշխատանքների կազմակերպմանը, Հայաստանի Հանրապետությունում 2023-2026 թվականների ընթացքում մարդկանց թրաֆիքինգի և շահագործման դեմ պայքարի կազմակերպման ազգային ծրագրի մոնիթորինգի և գնահատման պլանների մշակման աշխատանքների իրականացմանը, ինչպես նաև սոցիալական աշխատողների համար թրաֆինքինգի գնահատման ցուցիչների մշակմանն առնչվող գործողությունների համատեղ ճանապարհային քարտեզի ձևավորումը և հետագա փոխգործակցության շրջանակների և ժամկետների հստակեցումը։
«Միասին ընդդեմ մարդկանց թրաֆիգիքնի» ծրագրի ղեկավար Տիգրան Հովհաննիսյանը, ամփոփելով քննարկման արդյունքները, ներկայացված դիտարկումներն ու եզրակացությունները, արձանագրել և հատուկ ընդգծել է ՀՀ աշխատանքի և սոցիալական հարցերի նախարարության հետ համագործակցության շրջանակներում նույն ձևաչափով հանդիպում-քննարկումների իրականացման անհրաժեշտությունն ու արդիականությունը, ինչպես նաև «Տվյալաներ ազդեցության համար» ծրագրային թիմի հետագա ներգրավվածության կարևորությունը՝ քննարկված հարցերի արդյունավետ և սահուն իրականացման ապահովման կապակցությամբ, ինչը թույլ կտա էլ ավելի արդյունավետ դարձնել թրաֆիքինգի դեմ պայքարը մեր երկրում։
AAVR administrator
About the author